مقالات

خطأ مطبعي بدون “لحلحة” / د.فاخر الدعس

أعلنت الحكومة وعلى لسان وزير  المالية عمر ملحس، أن ضريبة الـ16% على مركبات الهايبرد ليست سوى “خطأً مطبعياً”. لاحقاً “اكتشفت” حكومتنا الرشيدة خطأً مطبعياً ثانياً، حيث كانت الحكومة قد فرضت ضريبة بمقدار 4% على زيت الزيتون، و10% بدلا من 4% على الدجاج المجمد، قبل التراجع عن ذلك باعتباره “ خطأً مطبعياً. بمعنى أن كل الفوضى التي حدثت في سوق السيارات، لم تكن إلا نتيجة “خطأ مطبعي” ..

أيها المواطن المحترم المؤدب والخلوق .. لا بد لي أن أبلغك بأن الحكومة “مش شايفيتك كلك على بعضك” أو بالأحرى وبلغة الخاوات “مش شايليتك من أرضك” ..

عزيزي المواطن، يا حبيب ألبي .. يا عمري انت .. اللي زعلان عشان الخطأ المطبعي .. يا رجل .. وزير تم قبول استقالته بدون ما حد يعرف ليش وكيف ومين  .. وزير يا جماعة .. وزير .. بينشال ولهسا ما طلع حد من االحكومة الرشيدة يحكيلنا ليش انشال ..

زعلان عزيز المواطن عالخطأ المطبعي؟؟!! طيب ازعل بالأول على فاتورة الكهربا اللي انرفعت بحجة ارتفاع النفط اللي ما ارتفع .. طيب ازعل على “البولوبيف” والسردين والألبان اللي الرئيس وعد إنهم ما ينرفعوا .. وانرفعوا ..

طيب يا رجل ازعل على تسعيرة المحروقات اللي ربنا الوحيد اللي بيعرف كيف بتنحسب ..

بلاش كل هذا .. يا رجل ازعل على الخبز اللي بدهم يرفعوه عشان يوفروا كم مليون بينجابوا من قضية فساد “صغيرة” .. أو من فرقية السجائر اللي كمان رفعوه ..

طيب ازعل على “بريزة دعم الخبز” اللي قررتها الحكومة .. أقولك .. ازعل على البريزة وبعدين ازعل أكثر عليها كيف تحولت لسبع قروش ونص .. –بين قوسين: عجبتني قصة النص كثير .. الجماعة حقانيين-.

عزيزي المواطن الزعلان عالخطأ المطبعي .. فيك تزعل على كثير شغلات .. بس المهم إنك بعد الزعل بدك “تتلحلح” والا لأ؟!! يعني والله صار بدها شوية “لحلحة”. #واللهمنوراء_القصد

الوسوم
اظهر المزيد

مقالات ذات صلة

زر الذهاب إلى الأعلى
إغلاق